مفيش أمل وحياه مفيش
طيب ليه عيزاني اعيش
يامصر ردي على سؤالي
قوليلي ايه اللي بيجرالي
لو انتي راضية علي حالي
انا حالي ما يرضنيش
لو عارفة و ساكتة مش
هاسمحك لأنك بية ما أهتمتيش
مغمية عنيك ومش عايزة
شان تقولي انك ما شوفتيش
بس خلاص انا مش ساكت
وخلاص خلص زمن التطنيش
انتي امي وانا ابنك
ومهما حصل ما تفرقينيش
ولو مت شهيد علي أرضك
وحياتي عندك ما تنسنيش
ولو رجعت وحقي معايا
يبقى ساعتها من حقي أعيش
وصدقيني حقك مش ناسيه
عشان علية ما تقسيش
وحقك قبل حقي راجع
لأن اغلى منك يا مصر مفيش
ليست هناك تعليقات:
إرسال تعليق